Original Rücktrittserklärung auf Lateinisch: Declaratio del Santo Padre

Die original Rücktrittserklärung des Papstes wurde auf Lateinisch verfasst. 

Fratres carissimi

Non solum propter tres canonizationes ad hoc Consistorium vos convocavi, sed etiam ut vobis decisionem magni momenti pro Ecclesiae vitae communicem. Conscientia mea iterum atque iterum coram Deo explorata ad cognitionem certam perveni vires meas ingravescente aetate non iam aptas esse ad munus Petrinum aeque administrandum.

Bene conscius sum hoc munus secundum suam essentiam spiritualem non solum agendo et loquendo exsequi debere, sed non minus patiendo et orando. Attamen in mundo nostri temporis rapidis mutationibus subiecto et quaestionibus magni ponderis pro vita fidei perturbato ad navem Sancti Petri gubernandam et ad annuntiandum Evangelium etiam vigor quidam corporis et animae necessarius est, qui ultimis mensibus in me modo tali minuitur, ut incapacitatem meam ad ministerium mihi commissum bene administrandum agnoscere debeam. Quapropter bene conscius ponderis huius actus plena libertate declaro me ministerio Episcopi Romae, Successoris Sancti Petri, mihi per manus Cardinalium die 19 aprilis MMV commissum renuntiare ita ut a die 28 februarii MMXIII, hora 29, sedes Romae, sedes Sancti Petri vacet et Conclave ad eligendum novum Summum Pontificem ab his quibus competit convocandum esse.

Fratres carissimi, ex toto corde gratias ago vobis pro omni amore et labore, quo mecum pondus ministerii mei portastis et veniam peto pro omnibus defectibus meis. Nunc autem Sanctam Dei Ecclesiam curae Summi eius Pastoris, Domini nostri Iesu Christi confidimus sanctamque eius Matrem Mariam imploramus, ut patribus Cardinalibus in eligendo novo Summo Pontifice materna sua bonitate assistat. Quod ad me attinet etiam in futuro vita orationi dedicata Sanctae Ecclesiae Dei toto ex corde servire velim.

Ex Aedibus Vaticanis, die 10 mensis februarii MMXIII

BENEDICTUS PP XVI

Papa novus inauguratus Franciscus papa Romae liturgia solemni inauguratus est. Ante basilicam Sancti Petri insignia potestatis accepit: anulum piscatoris, ferulam, pallium. Quam ad caerimoniam praesidentes et gubernatores e civitatibus totius orbis terrarum Romam profecti erant, in his Angela Merkel cancellaria Germaniae.

http://www.radiobremen.de/nachrichten/latein/audio108166-popup.html

bellum a Corea Septentrionali indictum

Quelle: DPA

Kim Jong Un

Moderatores Coreae Septentrionalis, qui doctrina communistica nituntur, Coreae Meridianae hosti bellum indixerunt. Praeterea Kim Jong-Un dominator Coreae Septentrionalis denuntiavit missilia in Civitates Unitas Americae iactum iri. Quibus auditis praefecti exercitūs Americ

Latein-Buchtipps

Catullus, concitationum animi poeta

Catull. Dichter der Leidenschaft

Recensuit: Dr. Heinrich Fliedner

Quelle: Philipp von Zabern Verlag

Buchcover: Catull, Dichter der Leidenschaft

Auctrix, quae fuit studiorum Latinorum profestrix in Studiorum Universitate Bryn Mawr College, hunc librum conscripsit, ut daret aditum ad carmina Catulli etiam hominibus, qui non linguis classicis studuerunt. Initio breviter, sed dilucide, profert, quae sciamus de vita poetae eiusque temporibus, de moribus, quae tum Romae vigebant, describit libros eorum temporum, contendit id, quod in carminibus Catulli de eo ipso legamus, non esse veram vitam, sed fictam. Sequuntur capita, in quibus agitur, unde sit vis poesis, de ordine Catulli carminum in codicibus tradito, de correlationibus, quae sint ad alios poetas et inter carmina ipsius. Qua in parte maiora carmina illustrantur, e quibus eluceat Catullum fuisse poetam doctum. In fine libri tractatur, quem ad modum saeculis posteris homines eruditi Catulli carmina percipiebant imitabanturque.  Utinam hic liber inveniat, qui ex eo usum et delectationem capiant.

Gaisser, J.H.: "Catull. Dichter der Leidenschaft." Aus dem Englischen von Cornelius Hartz. Darmstadt/Mainz, Philipp v. Zabern 2012, € 24.99
 (auch erhältlich bei der Wissenschaftlichen Buchgesellschaft Darmstadt)